Fullvaxta
umræður *
Karlotta:
Hæ Unnar, í hvaða rugli ertu núna? Ég
hef aldrei alminnilega skilið þetta orð, fullvaxta. Fullvaxta er fyrir mér
heiti á einhverju kökumóti og fólk er þá deig sem reynir að fylla upp í
það. Maður þarf kannski ad láta hefa sig pínu? Að vera fullvaxta er eins
og að loksins vera valinn í liðið. Ertu að æfa eitthvað núna?
Unnar:
Nei. Ég hef einhvern veginn aldrei
komist á þann stað að stunda eitthvað af svo miklu kappi. Er ennþá að bíða
eftir að finna minn stað innan Íþrótta, að fatta útá hvað þær ganga!
K:
Ég
er ekki alveg komin inn á það stig að geta tekið þátt í leiknum en ég
skil kannski um hvað þær snúast eftir að hafa
fylgst náið með íþróttahetjum fjölskyldunnar og farið i fjölmörg
íþróttapartý. Ég get alveg skilið og séð ákveðið mentalitet og ég dáist
oft að samvinnu og samskiptareglunum innan hópíþrótta
en svo um daginn þegar ég tók mig til í einhverri hvatvísi og ætlaði
að fara að spila fótbolta med strákunum
þá liðu varla 2 mínútur áður en ég sleit hásin og nú er ég í
tveggja mánaða gifsi. Ég vildi bara leika og hélt að fótbolti væri fyrir
alla.
U:
Það er líka sagt að allir eigi sér eitthvað áhugamál.
Formúla 1 er víst rosalega vinsæl núna. Ég er samt alltaf hrifnastur
af Boxi. Einn á móti einum!
K:
Ertu
eitthvað fyrir ofbeldisíþróttir? Tekuru Box framyfir fótbolta? Ertu þess
vegna með sprungin bolta á myndinni ?
U:
Nei! Hann er alveg búinn á því.
Búinn að gefast upp en samt ánægður, eins og eftir maraþon eða eftir að
hafa gengið á Norðurpólinn. Svona daginn eftir. Ég er líka meira fyrir
einstaklings-íþróttir frekar en þetta hóp eliment,ég
er núna fyrst að læra samskiptareglurnar sem gilda í hópíþróttum.
Finnst samt alltaf best að vera bara einn með boltann eða spaðann,
engin samhæfing eða keppni!
K:
Þú
gætir þá ekki búið í kommúnu?
U:
Frekar mundi ég búa á götunni en að eiga heima í kommúnu.
Ég er samt ekkert mannfælin. Held samt að það sé draumur allra að
eiga
sína
eigin íbúð eða hús, sitt svæði til að gera sína hluti.
K:
Allavega langflestra, kannski er samt draumurinn hjá sumum þeim
sem
eiga íbúð og allan pakkann að eiga hvergi heima. Ég þekki mann sem er ríkur
en hefur kosið sér að vera útilegumaður, borgin gaf honum meira að segja
sinn eigin garðbekk, ætli það sé þá ekki svefnherbergi hans og borgin
restin af íbúðinni. Líturu á sýninguna þína sem heimili?
U:
Mér verður allavega að líða vel þar, því það er minn
staður. Mér líður yfirleitt frekar illa svona á sýningum, nema það sé góð
stemning. Þú skilur hvernig það er að vilja búa sér til sinn eigin stað!
K:
Algjörlega, heimilið mitt er eitthvað sem tekur sífelldum
breytingum, ekki kannski mikid hvað varðar útlit heldur gildi og
hlutverk
þess. Ég hef allavega komist að því að ég get ekki búið
allsstaðar
og hvergi. Maður stjórnar sínu eigin heimili og hverjir koma inn í það.
Ef til vill er heimilið eitt það heilagasta í lífi fólks. Stundum
er
það opið fyrir alla en stundum rammlæst.
U:Hvað
þá með einhverjar svona global klisjur?
Ísland, einangrun og internetið og allt það dæmi?
K:
Ég held ad það sé hollt að gera greinarmun á heimili og þjóð, heimili
manns er ekki sama sem þjóð og því ætti allt þetta global dæmi ekki ad
vera neitt stórt vandamál þegar snýr að heimili manns.
U:
Svo er bara sagt að maður þurfi engar áhyggjur að hafa ef maður bara ræktar
garðinn sinn og á eitthvað útaf
fyrir sig. Er prívat með sjálfum sér. Stundum er líka miklu auðveldara með
að vera með sjálfum sér en í hóp!
Ég gæti samt aldrei verið einhver einbúi. Er það ekki einhver rómantík,
eitthvað svona 19 aldar fyrirbæri?
K:
Hvernig þá 19.aldar ? Meinaru íslenskt eins og Gísli á Uppsölum og svoleiðis?
Ómar og félagar? Ætli hann hafi
kosið sér einveruna eins og við
getum kosið okkur í dag ? Munurinn er kannski sá að í dag eru möguleikarnir
fleiri, allavega öðruvísi og hægt að sulla öllu saman ef madur vill. Hægt
er að gera allt að sínu áhugamáli eða sporti. Sumir vina minna tala um líf
sitt sem projekt, eða um vissa atburði sem eitt projekt í lífi þeirra, eins
og sport sem þarf að æfa blákallt með ákveðnu markmiði. Mér finnst það
pínu skrítið.
*
Stutt spjall milli Karlottu Blöndal og Unnars Auðarsonar dagana 20.06 - 23.06.
2001