EITTHVAÐ ANNAÐ
Ósk Vilhjálmsdóttir
myndlistarmaður opnar hugmyndasmiðju í Gallerí Hlemmi laugardaginn 8.febrúar
kl .17:00. Sett verður upp örvandi starfsumhverfi
fyrir hugarflugið en
hugmyndasmiðjan EITTHVAÐ ANNAÐ verður opinn
vettvangur fyrir alla þá sem
vilja ræða og rannsaka möguleika lífsins í landinu.
Leitað verður eftir
hugmyndum frá gestum og gangandi um framtíðina.
Hvers konar þjóðfélag viljum
við? Hvers konar land viljum við? Hvers konar
framtíð? Hvers konar lýðræði?
Hvers konar stjórn? Hvers konar stjórnleysi?
Lýst er eftir andlegri orku en
samkvæmt síðustu tölum ætti orkubúskapurinn
að standa vel miðað við árferði. Látið ykkar ekki
eftir liggja - hittumst
heil í hugarorkuverinu Hlemmi - allir velkomnir.
Sýningunni lýkur sunnudaginn 2. mars
Gallerí Hlemmur verður opinn fimmtudaga til sunnudaga frá 14:00 – 18:00
Vefsíðan er
http://galleri.hlemmur.is